Vətəndaş müraciətlərinə obyektiv və operativ baxılması, vətəndaş məmnunluğunun təmin edilməsi məqsədilə “Naxçıvan İpoteka Fondu” Açıq Səhmdar Cəmiyətinin İdarə Heyətinin sədri Yalçın Vəliyev Sədərək rayonunda vətəndaş qəbulu keçirmişdir.  O ilk olaraq Sədərək rayonunda yerləşən müstəqil Azərbaycan dövlətinin memarı və qurucusu Ümummilli lider Heydər Əliyevin büstü önünə gül dəstələri düzmüş, xatirəsini ehtiramla yad etmişdir, daha sonra Sədərək Rayon İcra Hakimiyyətinin inzibati binasında vətəndaş qəbulu keçirmişdir.Qəbula gəlmiş vətəndaşlarla keçirilən görüşdə Cəmiyyətin vəsaiti hesabına ipoteka kreditinin, o cümlədən güzəştli ipoteka kreditinin verilməsi Qaydaları və şərtləri haqqında ətraflı məlumat verilmişdir. Vətəndaşlar Cəmiyyətin əməkdaşlarına ipoteka kreditləri ilə bağlı ətraflı məlumat verdiklərinə görə öz minnətdarlıqlarını bildirmişdirlər.